شهيوة الحادكة لهذا اليوم هي الدجاج محمر ومعمر, شهيوة رائعة بكل المعايير تقدم في الأعراس المغربية و المناسبات الخاصة و لما لا لأعز الأحباب, شهيوة الدجاج محمر ومعمر قد تبدو للبعض صعبة التحضير, لكن مع الحادكة غادي تكون باذن الله سهلة وفي متناول الجميع فقط القليل من التركيز و ستعدون شهيوة الدجاج محمر ومعمر, دون إطالة أكثر أترككم مع المقادير و طريقة التحضير.
مقادير الدجاج محمر ومعمر:
3دجاجات مغسولين مزيان.
2 معالق طحين فورص.
2 حامضات مقطعين ومحكوكين.
بصلة مقطعة مربعات كبار.
معلقة صغيرة من سكينجبير.
نجمع الدجاج و جميع المكونات في إناء و نخليوهم مرقدين 2 سوايع من بعد نشلوهم مزيان ونسقطروهم مزيان من الماء.
شرمولة الدجاج محمر ومعمر:
لب نصف حامضة مصيرة.
زعفران الحر.
6فصوص ثوم.
قزبور ومعدنوس.
معلقة صغيرة سمن.
كاس زيت بلدي ورومية مخلطين.
كاس ماء.
معلقة سكنجبير.
معلقة صغيرة ابزار.
معلقة صغيرة خرقوم بلدي.
خرقوم عادي.
معلقة صغيرة مروزية ديال الدجاج والمتكونة من ابزار ابيض وباديان وبسيبيسة والقليل من قعقلة و نويويرة و الكبابة.
حشوة الدجاج محمر ومعمر:
قلوب الدجاج مسلوقين ومقطعين.
الكبدة ديال الدجاج.
قليل من هريسة حسب الذوق.
قليل من شرمولة.
الزيتون مقطع.
الشعرية الصينية مرطبة في ما طايب.
كنخلطو كلشي ونعمرو بيه الدجاج.
طريقة تحضيرالدجاج محمر ومعمر:
نشرملو الدجاج مزيان بالشرمولة ونخليوه يشرب ليلة كاملة أو 3 سوايع على الاقل ونعمروالدجاج بالحشوة لي حضرنا في الاول ونحزمو الدجاج بخيط
ونديرو الدجاج في الطنجرة ونزيدو عليه الماء حتى للنصف و الشرمولة ليشاطت
القرفة وورقة سيدنا موسى ونديرو الدجاج على جنابو باش مطرطقش الجلدة ديال الصدر
ومنين يغلي نقلبوه على جميع الجهات ونتقبوه مزيان بشي سكين حتى للنصف باش يتجمع الدجاج وميتحلش نخليوه حتى يطيب و النار تكون مهيلة.
منين يطيب الدجاج نخليوه حتى يبرد مزيان و ندهنوه بالزبدة وشوية الموطارد وندخلو الدجاج الفرن حتى يتحمر.
في نفس الوقت نديرو الكبدة لي شاطت والقنصة نسلقوهم ونزيدوهم في الطنجرة ونحركو مزيان حتى يطيبو ويعقاد لاصوص اة الدغميرة.
ويقدم بالصحة و الراحة
دجاج محمر, دجاج معمر, دجاج معمر و محمر في الفرن, دجاج الاعراس, دجاج العراضة, عراضة بالدجاج
دجاج محمر, دجاج معمر, دجاج معمر و محمر في الفرن, دجاج الاعراس, دجاج العراضة, عراضة بالدجاج
ليست هناك تعليقات
يسعدنا مشاركتك لنا في مدونة الحلويات المغربية , رأيك , نقدك و تقييمك مهم لنا من الأجل الإستمرار و تقديم خدمة أرقى.
المرجوا وضع إسمك قبل كتابة التعليق